Isip kabahin sa celebration sa National Disability Rights Week (NDR) Week 2025, ang City Government, pinaagi sa City Social Welfare and Development Office (CSWDO) ug Persons with Disability Affairs Office (PDAO), mipahigayon og Disability Sensitivity Training sa Vision and Leadership Hall, City Hall of Naga.
Ang tumong sa training mao ang paghatag sa mga partisipante ug igong kahibalo, kahanas ug hustong pamatasan aron makahatag og serbisyo nga inklusibo ug sensitibo sa kustomer ug kliyente, pagpakita og pag-simpatiya ug respeto sa mga PWDs, ug pagpanalipod sa katungod ug dignidad sa mga PWDs subay sa mga balaod sa Pilipinas ug international standards.
Pinaagi sa pag-apil sa maong training, ang City of Naga nagpakita og aktibong lakang padulong sa pagtukod og komunidad nga puno sa inklusyon, respeto, ug paghatag og gahum sa mga PWDs.
Ang maong training gitambungan sa mga selected city government employees, national government agencies, business establishments ug barangay secretaries.
