Gilusad ganihang buntag ang implementation sa City Ordinance No. 2024-45 o One-Pole Policy Ordinance in the City of Naga, Cebu pinaagi sa usa ka press conference nga gipasiugdahan ni Mayor Val ug Visayan Electric COO and President Raul Lucero.
Tumong sa ordinansa nga i-regulate ang pag-instalar, pag-ayo ug pagmentinar sa overhead ug underground nga mga linya, ingon man sa uban pang mga kalihokan sa imprastraktura sa lain-laing mga utilities/service providers sa City of Naga para mas hapsay ug luwas sa risgo ug peligro ang mga Nagahanon ug general public.
Apil usab nga nitambong sa maong paglusad sila si City Councilors Hon. Clint Isidro Chiong, Hon. Charmaine Navarro, Hon. Domer Libor, Hon. Josie Dakay, Hon. Letty Abangan, Hon. Elmer John Lapitan, Hon. Amy Lara, Visayan Electric Pole2Pole Head Freddie Mark Mendoza, representatives sa mga Telecommunication companies ug service providers, Punong Barangays ug miyembro sa media.
Gawas sa press conference, nagpahigayon usab og site visit sa nagpadayon nga pagpanglimpyo ug pag-bundle sa mga utility wires nga gisugdan sa Barangay Langtad.
Kung atong nahinumduman, nagpahigayon usab og pagpanglimpyo sa mga wires adtong tuig 2023 ug 2024 in collaboration sa Visayan Electric ug mga telecommunication companies per request ni Mayor Val apan pag-implement sa One-Pole Policy, mahimo na kining mas malungtaron ug makapahamtang na og penalties kung adunay violation.
Padayon ta sa mas hapsay nga Naga!
