𝗔𝗟𝗜 𝗡𝗔 𝗞𝗔𝗠𝗢 𝗦𝗔 𝗥’𝗖𝗘𝗕𝗨 𝗖𝗜𝗧𝗬 𝗢𝗙 𝗡𝗔𝗚𝗔 𝗕𝗢𝗢𝗧𝗛 !

Gi-buksan na ang 3-day R’Cebu Ali Na Kamo Summer na sa Unang Distrito nga naa mahimutang sa Level 1 Atrium, Robinson’s Galleria Cebu diin ipasundayag ang mga produkto sa 1st District apil na ang Naga.

 

Ang opening ceremony nga gipasiugdahan ni Gov. Gwen Garcia gitambongan ni Mayor Val kauban sila si City Councilors Junjie Cruz Jr., Hon. Charmaine Navarro, Hon. Ray Manabat, Hon. Justino Dakay, Hon. Letty Abangan ug Hon. Amy Lara.

Nitambong usab sa opening ceremony si Tourism Sec. Cristina Garcia-Frasco, Congresswoman Rhea A. Gullas, DTI 7 Regional Director Ma. Elena Arbon ug AKO BISAYA 2nd nominee Carissa Garcia.

 

Bisita na sa R’Cebu hilabi na sa atong City of Naga booth diin naka-display ang mga produkto sa Naga ug sugod karong adlawa March 14, 2025 hangtod March 16, 2025.

Pipila ka mga produkto nga naka-display sa City of Naga booth nga mapalit sa barato nga presyo ang mg art craft sa mga PDL SA BJMP-City of Naga, fruit wine ug dragon fruit vinegar sa MBM Wine gikan sa Barangay Inoburan, Suka nga Hapdos ni Chef Don James of The Cookout Cebu, souvenir items gikan sa MIRAMARTS Printing sa South Poblacion ug Reymond’s Chicharon sa Brgy. Tinaan.

Bisita na, buy local, support local!