Nagpahigayon og City of Naga, Cebu Completion Day Ceremonyย sa Enan Chiong Activity Center para sa 450 ka mga Nagahanong Grades 1 to 6 learners gikan sa 10 elementary schools nga malampusong nakahuman sa 25-day reading tutoring program ubos sa Academic Remediation, Acceleration, and Livelihood o ARAL Program.
ย
Ang 450 learners gikan sa Elementary Schools sa Barangays Alpaco, Tagjaguimit, Mayana, Cabungahan, Jaguimit, Patag, Tuyan, Inayagan, Cogon ug Naga Central Elementary School.
ย
Sa iyang mensahe, gipa-ambit ni Mayor Val nga ang iyang administrasyon padayon nga mo-invest sa edukasyon tungod malaumon siya nga dako kini og makab-ot ug matabang para sa taga-Naga.
ย
Gipahibalo usab niya nga magpadayon ang Tutoring Program matag tuig apil na ang pagpanghatag og libreng notebooks ug writing pads para sa tanang learners gikan sa kindergarten hangtod sa Senior High sa sunod nga pag-abli sa klase Mahinumduman nga gisugdan sa City Government ang pagpanghatag og notebooks ug writing pads sa SY 2024 – 2025.
ย
Nihatag usab og mensahe si DepEd Secretary Sonny Angara ug Sen. Sherwin Gatchalian (video message) aron i-congratulate ang mga learners ug ang City of Naga sa malampuson nga pag-implement sa tutoring program.
ย
Ang Completion Day Ceremony gitambongan nila ni City Councilors Hon. Clint Isidro Chiong, Hon. Junjie Cruz, Hon. Charmaine Navarro, Hon. Ray Manabat, Hon. Domer Libor, Hon. Josie Dakay, Hon. Letty Abangan, Hon. Elmer John Lapitan, Hon. Amy Lara, Liga ng mga Barangay President Scott Juvenal Chiong, Barangay Pangdan Councilor Aniceto Alinsonorin ug SK Federation President Faith James Servano.
ย
Nitambong usab sila si SDS Dr. Ronald Gutay kauban ang mga City of Naga DepEd Division personnel, Chalkboard Inc. representatives, ARAL Tutors ug Program Coordinators, School Heads ug mga ginikanan sa mga beneficiaries.
Ang City of Naga, Cebu Tutoring Program usa ka learning recovery initiative nga gipasiugdahan ni Mayor Val uban sa suporta sa City Council in partnership sa Chalkboard Inc. ug DepEd City of Naga. Kini ang pinaka-unang reading tutoring program sa Cebu Province nga gipasiugdahan sa usa ka LGU ug mao ang nakakuha sa pinaka taas nga reading level average sa tibuok Pilipinas.
ย
Sa maong programa, ipa-ubos sa tutoring ug remediation ang mga learners nga dili pa kamao mobasa (non-readers) ug kadtong maglisod o hinay pa mobasa (slow readers) aron matabangan ug mapalambo ang ilang oral og reading comprehension skills. Apil usab sa tutoring program ang training sa kapin 50 community tutors and program coordinators nga gidumala sa Chalkboard Inc.
ย
Ang Tutoring Program usa ka manifestation sa hugot nga commitment ni Mayor Val ug sa City Government sa pagsuporta sa edukasyon alang sa mga Nagahanon.
Sa Naga, ang paghatag og dekalidad nga edukasyon ang ga-una, Padayon Naga!
ย
