Gi-lusad ganihang buntag sa DepEd City of Naga Schools Division ang Brigada Eskwela 2025 nga gipahigayon sa NPC Colon Integrated School.

Ang paglusad gitambongan nila City Councilor Hon. Junjie Navales Cruz nga nihatag og mensahe on behalf ni Mayor Val, City Councilor Hon. Justino Dakay, DepEd City of Naga Schools Division officials pinangulohan ni SDS Dr. Ronald Gutay, Barangay Colon officials pinangulohan ni Punong Barangay Jeffrey Saya-ang, PTA Officials,PNP-City of Naga Deputy Chief of Polic PLT. Paul Birung, representatives gikan sa TPVI/Aboitiz ug mga ginikanan sa mga learners.

 

Sa iyang mensahe, gipasalig ni Kons Junjie nga ang City Government apil na ang City Council padayon nga maningkamot ug magkigtambayayong sa DepEd ug mga stakeholders para sa kinasingkasing nga suporta sa edukasyon sa atong mga kabataan.

 

Ang Brigada Eskwela nga adunay theme karong tuiga, “Brigada Eskwela: Sama-sama Para sa Bayang Bumabasa”, usa ka joint effort sa community aron ma-andam ang mga public schools sa pagsugod na sa klase. Lakip niini ang pagpanglimpyo, pagpintal, ug paghimo og mga necessary repairs sa mga public schools.