Gicelebrate sa City of Naga ang World Water Day sa usa ka massive clean-up activity sa Pangdan River, waterbodies ug mga lokal nga tinubdan sa tubig nga gipahigayon ganihan buntag.
Ang clean-up activity nga nakakolekta ug 2,149 kilograms nga basura gipasiugdahan sa City Government pinaagi sa City Environment and Natural Resources Office (C-ENRO) kauban ang 44 ka private companies sa Naga nga apil sa Adopt-an-Estero/River (Pangdan River) Program, mga Barangay Officials ug ang 506 Puroks sa Naga.
Ang World Water Day nga gisaulog matag Marso usa ka paagi aron mahatagan ug atensyon ang kamahinungdanon sa fresh water ug ang malungtarong pagdumala sa mga fresh water resources.
