NAGA NI-HOST SA CARAVAN OF PROVINCIAL SERVICES

Gi-host sa City of Naga ang Caravan of Provincial Services para sa 1st District nga gipasiugdahan ni Gov. Gwen Garcia adtong gahapon, March 15 sa Enan Chiong Activity Center.

Apil sa mga services nga gidalit sa Caravan of Provincial Services mao ang medical ug minor surgeries, legal consultations, agricultural, social services ug uban pa.

Gawas niini nga mga services, nanghatag usab ug infrastructure assistance ang Cebu Provincial Government sa unom ka LGUs sa 1st District. Ang cheke personal nga gitunol ni Gov. Gwen sa mga mayors diin ang Naga nakadawat ug 8.4 million pesos nga gidawat ni Mayor Val.

Gi-turnover usab ni Gov. Gwen ang premyo sa mga nakadaog sa SUGBUsog Season 3 atol sa caravan. Gidawat ni Mayor Val ang usa ka unit nga commuter van isip premyo sa City of Naga nga mao ang Provincial Winner sa SUGBUsog. Nakadawat usab ug 2 ka unit nga motorcycle ug handheld radio communication system ang PNP-City of Naga isip district winner.

Daghang Salamat Governor Gwen Garcia sa pagpaduol sa mga services sa Cebu Provincial Government ngadto sa mga Sugbuanon hilabi na sa mga Nagahanon!

Leave a Reply