LOOK: Personal nga gihinabi ni Mayor Val kauban ni City Veterinarian Dr. Raymundo Ramirez ang tanang Punong Barangays ug Barangay Health Care Workers aron hisgutan ang Executive Order No. 10 ni Gov. Gwen Garcia.

Apil sa gihisgutan ang pag-umol sa Barangay African Swine Fever (ASF) Task Force nga mao ang mo-monitor ug mo-surveillance sa mga kabarangayan batok ASF.

Gihisgutan usab ni Mayor Val ang mga guidelines ug mga bio-security measures nga ipatuman sa mga nagbuhi og baboy sa Naga aron malikayan ang pagtakod sa ASF.

Subli usab nga gipahinumduman ni Mayor Val ang tanan nga luwas gihapon moka-on og baboy bisan pa man sa hulga sa ASF, basta gitarong kini pagluto.