Isip suporta sa Womenโs Month Celebration, ang City Government pinaagi sa City Population Office nipahigayon na usab og Buntis Congress karong adlawa Marso 31, 2023 sa Vision and Leadership Hall, City Hall of Naga.
Nisalmot sa Buntis Congress ang 44 ka mga Nagahanong mabdos nga ni representar sa 28 ka barangay sa Naga. Ang mga nisalmot gihatagan og lecture ni OBYGYNE Consultant Dr. Porferia Daclan kabahin sa Prenatal samtang si City Dentist Dr. Etherl Uy ni-lecture usab sa ka-importante sa Dental Care para sa mga mabdos.
Nihatag usab og lecture on Responsible Parenthood and Family Planning si City Population Officer Dr. Celestial Lianzon.
Tumong sa Buntis Congress mao ang pag-edukar sa mga mabdos sa makapahimsog nga mga pamaagi sa pagpanganak aron makunhuran ang morbidity ug mortality sa mga inahan ug bata ug pagpalambo sa kalidad nga kinabuhi sa mga mabdos.
Tanang participants sa Buntis Congress nakadawat og newborn hygiene kits, gift packs ug Certificates of Participation gikan sa City Government.
